یاز کوله یی ایدی

یاغیش بویلوغوندا دئییل دی آنجاق.

قامیش لیغا هوپاندا وورولدوم اونا

و پؤهره بوغدالیق اوزونو گزیشدیک چول باییردا.

دالیمیزا قورخو گزیشیردی

ایچیمیزده باهار اؤپوشو.

بیر آددیم گئری اؤلوم واردی سانکی

                              غوربت بویوندوروغونا بویون قویدوق

 

ائهی ی ی ی ساچی قبریستانیم قیز!

                 دارماداغین شعریمین قوناغی اولسانا بوگون

                                           و اللریمین ناچارلیغیندان اوزولوب

                                                                                  قلبیمین....

قوی دانیشماییم.

دئسم نه یی اول

سئویشمیش اولموشوق اوندا گون گون اورتا چاغی

                                                              گؤز گؤره گؤره.

منسه دؤزه سی دئییلم بو تؤهمته

آخی خاتین نه نه مین اؤرتویی باشیندا قالیب

سن سه

اس اؤزگه قامیشلیغیندا

قوی فضولی غزلینده شب هیجران یاراغیم اولسون.